خالد الفيصل

ليت العمر يهدى

ليت العمر يهدى..أبهديك عمري
تستاهل الأيام يازهو الأيام

لو الهوى المحبوس في جوف صدري
يظهرعلى العالم غشى العالم هيام

فيني غرام فوق محمول صبري
وفيني خيال فوق تصوير الاحلام

صباحي أسرح لك وفي ليالي اسري
وإلى هجع فكري خفوق الهوى قام

والله مالي غير الاشواق عذر
واللي عرف شوق المواليف مالام

يامن يبيع الصبرياناس واشري
محتاج كل الصبر واصخي بالاقيام

يامالك امري وش نواياك بامري
إرحم خفوق عن هوى غيركم صام

حالي غدا مثل المساويك مبري
ياباري حالي ترى البعد ظلام

أدري بحالك وانت بالحال تدري
يالله عسى ذا العام أحسن من العام

وسلامتكم